Emil Rademacher Krogsæter er ein tubaist frå Tomrefjord som studerer ved Norges Musikkhøgskole hos professor Øystein Baadsvik. Han har tidlegare gått på talentprogrammet NTNU Unge Musikere og var Talent Trondheim-Juniorprofil fra 2022 til 2023.

Krogsæter har spelt med fleire av Norges leiande brassband og ungdomsorkester, mellom anna Norges Ungdomssymfoniorkester, og vart tatt ut til European Youth Brass Band i 2025. Som solist har han mellom anna opptrådt med Luftforsvarets Musikkorps, Trondheim Symfoni og Opera og Trondheimsolistene.

Han har oppnådd sterke resultat i fleire nasjonale og internasjonale konkurranser, mellom anna 2. pris i International Tuba and Euphonium Competition i Valencia i 2025, prisen for "Most Outstanding Bass" i Foden`s Band Competition i Manchester i 2018, og ein plass blant dei 18 finalistene i European Soloist Competition i Brucknerhaus i Linz i 2026. Innan kammermusikk spelar han fast med Oslo Tubakvartett og duoen Emil & Florian, og har opptrådt ved festivaler og konsertar fleire stader i Noreg og Europa.